Shefi i Zyrës së BE-së në Kosovë, Tomas Szunyog, ka përshëndetur vendimin e Qeverisë së Kosovës për zbatimin e vendimit të Gjykatës Kushtetuese lidhur me pronat e Manastirit të Deçanit.
Përmes një postimi në platformën “X”, Szunyog e cilëson si një ditë të mirë për sundimin e ligjit në Kosovë.
“Zbatimi i shumëpritur i vendimit të Gjykatës Kushtetuese të vitit 2016 për çështjen e Manastirit të Deçanit dhe Regjistrimit të truallit të Manastirit më në fund bëhet realitet. BE-ja bazohet në sundimin e ligjit. Ruajtja e sundimit të ligjit dhe respektimi i pavarësisë së gjyqësorit janë parakushte të nevojshme për rrugën e Kosovës drejt BE-së”, ka deklaruar Sunzyog.
Sipas tij, vendimi është një hap i mirëpritur, i cili tregon përkushtimin e Kosovës.
A good day for the rule of law in #Kosovo!
The long-awaited implementation of the 2016 Constitutional Court decision on the case of @DecaniMonastery & the registration of the Monastery’s land is finally a reality (1/2)
— Ambassador Tomáš Szunyog (@EUAmbKS) March 13, 2024