Hykmete Bajrami, deputete e LDK-së, gjatë seancës së jashtëzakonshme ka folur për kontratat njëburimore, duke thënë se janë burim i korrupsionit.
“Buxheti i shtetit dëmtohet me kontratat njëburimore sepse nuk merret vlerë për para, projekti kushton më shumë dhe kualiteti ka mundësi të mos jetë më i miri,” u shpreh ajo.
Kështu duke potencuar që këto kontrata janë burim korrupsioni.
Bajrami po ashtu shtoi se sipas Komisionit Rregullativ të Prokurimit, gjatë këtij mandati qeverisës, janë nënshkruar mbi 1800 kontrata njëburimore në vlerë mbi 240 milionë euro.
“1/3 e buxhetit të shtetit, taksave dhe tatimeve që ju paguani shpenzohen përmes prokurimit publik, shpenzime që janë në rritje. Këto kontrata janë burim i korrupsionit”, u shpreh deputetja Bajrami.