Ministri i Financave, Hekuran Murati, ka njoftuar se ka miratuar bartjen e të hyrave vetanake të komunave në vlerë prej 60 milionë eurove.
Përmes një postimi në Facebook, Murati ka thënë se në pajtim me pikën 6 të nenit 9 të Ligjit të buxhetit, bartja në këtë formë bëhet për të hyrat vetanake që kanë qenë të alokuara, kurse për pjesën e paalokuar, bartja bëhet me vendime të kuvendeve komunale përkatëse.
“Në pajtim me nenin 9.6 të Ligjit të Buxhetit, sot kam miratuar bartjen e të hyrave vetanake të komunave në vlerë prej 60 milionë eurove. Bartja në këtë formë bëhet për të hyrat vetanake që kanë qenë të alokuara, kurse për pjesën e paalokuar, bartja bëhet me vendime të kuvendeve komunale përkatëse”, ka shkruar Murati.