Banka Qendrore e Kosovës (BQK) ka njoftuar se gjatë muajit mars të këtij viti, vlera e kredive të reja në Kosovë ka arritur mbi 240 milionë euro.
Ndërsa, sipas BQK-së, vlera e depozitave ka arritur në 69.70 milionë euro.
“Shtatë miliardë e 500 milionë euro janë asetet e bankave komerciale në Republikën e Kosovës derisa shuma e depozitave të qytetarëve arrin në 6.05 miliardë euro. Kështu thuhet në statistikat e bankave komerciale për muajin mars 2024, të publikuara nga Banka Qendrore e Kosovës (BQK), duke shtuar vlera e kredive bruto ka arritur në 5.09 miliardë euro me një rritje prej 132.0 milionë euro. Sipas raportit, kapitali u bankave komerciale për këtë muaj ishte 868.56 milionë euro. Tutje, BQK tregon se vlera e kredive të reja ishte 241.20 milionë euro, derisa shuma e depozitave të reja arriti në 69.70 milionë euro”, thuhet në njoftim.
Sipas BQK-së, norma mesatare e interesit në depozita ishte 2.71%, ndërsa norma mesatare e interesit në kredi ishte 6.24%, ndërsa në muajin paraprak ka qenë 6.34%.
“Raporti kredi-depozita për këtë muaj ishte në nivelin 84.70%, kurse margjina e normës së interesit në kredi dhe depozita ishte 3.53%.
● 7.50 miliardë euro, vlera aseteve bankare
● 5.09 miliardë euro, vlera e kredive bruto
● 6.05 miliardë euro, vlera e depozitave të klientëve
● 241.20 milionë euro, vlera e kredive të reja
● 69.70 milionë euro, vlera e depozitave të reja
● 84.70%, raporti kredi-depozita
● 6.24%, norma e interesit në kredi
● 2.71%, norma e interesit në depozita”, thuhet në raportin e BQK-së.