Pas mesnatës ka shpërthyer një zjarr në afërsi të Aeroportit të Prishtinës.
Zëdhënësja e policisë për rajonin e Prishtinës, Flora Ahmeti, ka thënë për Dukagjinin se nga zjarri janë përfshirë 20 vetura dhe është lënduar një person.
“Sot rreth orës 01:30, kemi pranuar informatën për një incident zjarri në afërsi të Aeroportit të Prishtinës. Nga zjarri janë përfshirë 20 vetura të parkuara dhe një objekt biznesi. Në këtë rast është lënduar një person dhe janë shkaktuar dëme materiale,” ka thënë Ahmeti.
Ahmeti shtoi se personi i lënduar është dërguar për tretman mjekësor.
Ndërkohë që pas lokalizimit të zjarrit, ajo njoftoi se hetuesit policor në koordinim me institucionet përkatëse po kryejn hetimet rreth rastit, i cili është cilësuar si shkaktim i rrezikut të përgjithshëm.