Të premten e 16 gushtit, raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në pikat kufitare, të cilat bëjnë lidhjen në mes të Kosovës dhe Serbisë.
Pritjet më të gjata janë regjistruar në dalje në pikat kufitare në Merdarë dhe te Dheu i Bardhë.
Qytetarët po presin deri në një orë për të dalë nga Kosova përmes pikës kufitare Dheu i bardhë, njëjtë edhe në Merdarë, derisa në Muçibabë pritjet janë gjysmë orë.
Kolona e automjeteve në dalje në Merdarë raportohet të jetë 600 metra, ndërsa te Dheu i Bardhë 300 metra.
Në Muçibabë kolona e automjeteve rezulton të jetë 200 metra.
