Zhvillime dramatike po ndodhin së fundmi te Kombëtarja e Kosovës.
Edon Zhegrova, Arjanet Muriq dhe Florent Muslija janë përjashtuar nga grumbullimi me vendim të selektorit, Franco Foda dhe FFK-së.
Lajmi është bërë i ditur nga Federata e Futbollit të Kosovës përmes një komunikate të lëshuar për media.
FFK nuk ka bërë të ditur për veprimet e futbollistëve në fjalë, mirëpo ka shtuar Komiteti Ekzekutiv i FFK-së do të marrë vendim për ta.
Vendin e Muric, pritet ta zë portieri i Dritës, Faton Maloku.
“Me vendim të përbashkët të përzgjedhësit Franco Foda dhe Federatës, tre futbollistët: Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata. Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita”, thuhet në vendim.
Tani pas largimit, Kosova ka vetëm tre mesfushorë në këtë listë.
Bëhet fjalë për Valon Berishën, Elvis Rexhbeçajn dhe Lindon Emërllahun.