Ministri i Punëve të Jashtme të Turqisë, Mevlut Çavusoglu, gjatë takimit të tij me kryeministrin e Kosovës, Albin Kurti, kanë diskutuar për thellimin e bashkëpunimit midis dy vendeve.
Kështu ka bërë të ditur ministri turk përmes një postimi në llogarinë e tij në Twitter, ku ka potencuar se në takim është folur për kërcënimin që paraqet organizata terroriste e FETO-s.
“Diskutuam modalitetet për ta avancuar bashkëpunimin tonë me kryeministrin e Kosovës, Albin Kurtin. Theksova kërcënimin që paraqet organizata terroriste e FETO-s”, ka shkruar kryediplomati turk.
#Kosova Başbakanı Kurti’yle işbirliğimizi geliştirme imkanlarını ele aldık. FETÖ mevcudiyetinin Kosova için oluşturduğu tehdidi vurguladık.
Discussed modalities to advance our cooperation w/PM @albinkurti of #Kosovo. Stressed the threat posed by terrorist organization FETO. 🇹🇷🇽🇰 pic.twitter.com/Teeclq3xpO
— Mevlüt Çavuşoğlu (@MevlutCavusoglu) June 19, 2022
Ndërkaq, të dielën e 19 qershorit, ai është takuar edhe me ministren e Punëve të Jashtme në Kosovë, Donika Gërvalla, me të cilën ka mbajtur një konferencë të përbashkët për media.
Cavusoglu ka thënë se duhet forcuar më tej bashkëpunimi mes dy vendeve, ndërsa ai ka shprehur edhe një shqetësim në lidhje me atë që thotë prani e organizatës FETO në Kosovë.
Të dy kanë trguar se pjesë e bisedimeve të tyre ka qenë edhe zhvillimi i mëtejshëm i mardhënieve bilaterale në arsim, tregti dhe mjekësi.
“E mbështesim integritetin territorial dhe sovranitetin e Kosovës si dhe zhvillimin e mëtejshëm të Kosovës e integrimin e saj në organizata ndërkombëtare. E mbështesim anëtarësimin e Kosovës në instanca si organizata euroatlantike. Marrëveshja e tregtisë së lirë që kemi nënshkruar dy vendet ka sjellë sukses”, ka thënë ai.
Ai ka thënë se takimet e sotme shënojnë përfundimin e vizitës së tij pesëditore në vendet ballkanike, vizitë e cila filloi në Beograd.
Ministri turk ka theksuar zhvillimin e ekonomisë pas marrëveshjes për tregti të lirë e cila ishte nënshkruar qershorin e vitit të kaluar, marrëveshje e cila rriti tregtinë me 53% dhe dyfishoi eksportin e Turqisë.
Ministri i Jashtëm turk: Turqia mbështet rrugën euroatlantike të Kosovës dhe dialogun me Serbinë