Në zemër të Prizrenit, një grup i grave ndërmarrëse po ndërtojnë rrugën e suksesit me përkushtim dhe vizion të qartë. Ato janë themeluese të bizneseve të tyre, lidere në industri të ndryshme inovative dhe shembull i forcës dhe vendosmërisë. Çdo ditë, ato përballen me sfida, marrin vendime strategjike dhe punojnë për të zgjeruar ndikimin e tyre në treg.
Ato rrugën e ndërrmarrësisë e kanë filluar vet, por një gjë e bën dallimin: bizneset e tyre sot rriten si pjesë e një ekosistemi qe i mbështet.
Në Innovation and Training Park (ITP) në Prizren, këto gra gjejnë më shumë se vetëm një hapësirë për të operuar bizneset e tyre. Ato janë pjesë e një ekosistemi ku inovacioni, shkëmbimi i ideve dhe mbështetja e ndërsjellë janë thelbësore. Kjo qasje bashkëpunuese u ka mundësuar të rriten më shpejt, të krijojnë rrethin e tyre professional dhe të eksplorojnë mundësi të reja bashkëpunimi.
Përfshirja në një komunitet si ITP Prizren është një avantazh i madh. Ky park inovacioni dhe trajnimi nuk është vetëm një vend pune, por një qendër ku teknologjitë e reja, ndërmarrësia dhe zhvillimi profesional ndërveprojnë dhe promovohen vazhdimisht.
ITP Prizren – Një ekosistem inovativ për bizneset në rritje
ITP Prizren është një qendër inovacioni dhe zhvillimi e mbështetur nga Qeveria Gjermane përmes GIZ’it në Kosovë dhe Qeveria e Kosovës, e krijuar për të lidhur sektorin privat, institucionet publike, akademinë dhe shoqërinë civile. Me një infrastrukturë moderne dhe një qasje të gjelbër ndaj zhvillimit, ITP synon të krijojë një mjedis të favorshëm për inovacion dhe ndërmarrrësi.
Duke qenë shtëpia e mbi 50 bizneseve dhe organizatave, përfshirë ato të udhëhequra nga gratë, ITP është dëshmi se komuniteti dhe bashkëpunimi janë çelësi për një ekosistem të qëndrueshëm dhe të suksesshëm. Ky park është një hapësirë ku idetë zhvillohen, startup-et forcohen dhe sukseset ndahen – një shembull i qartë i transformimit të një hapësire të dikurshme ushtarake në një qendër inovacioni që formëson të ardhmen.
Në Ditën Ndërkombëtare të Gruas dhe çdo ditë tjetër, ITP Prizren mbetet e përkushtuar për të mbështetur gratë ndërmarrëse dhe për të krijuar mundësi të reja për zhvillim dhe sukses.
