Të paktën 79 persona kanë vdekur dhe mbi 155 të tjerë janë të lënduar nga shembja e klubit të natës në qytetin Santo Domingo të Republikës Domenikane. Ekipet emergjente janë duke vazhduar aksionin për gjetjen e të mbijetuarve të tjerë nën rrënojat e klubit. Këtë u bë e ditur nga Agjensia e Lajmeve “Reuters”.
Tutje autoritet në vendin e ngjarjes thojnë se nuk dihet ende saktë numri i njerëzve që kanë qenë brenda në klub në kohën e fatkeqësisë.
Ndërsa familjarët e viktimave gjenden pranë tragjedisë dhe janë duke kërkuar informacione për familjarët e tyre.
“Unë kam ende anëtarë të familjes që janë ende në rrënoja, dhe ne nuk e dimë se çfarë ndodhi me ta,” tha Pedro Martinez, një lojtar 17-sezonal i Basebollit të Major League, në një video të shpërndarë në llogarinë e tij në Instagram në mbrëmje.
Fatkeqësia goditi gjatë një koncerti të këngëtarit të njohur Domenikane Rubby Perez, i cili ishte në mesin e të vdekurve, sipas menaxherit të tij dhe anëtarëve të familjes pranë zonës. Në këtë aktivitet morën pjesë politikanë, sportistë dhe figura të tjera të njohura.