Ministrja në detyrë e Drejtësisë, Albulena Haxhiu, ka thënë se në takimin konsultativ të sotëm është rënë dakord me të gjitha partitë që të votohet unanimisht raporti i Komisionit për verifikimin e mandateve.
Haxhiu. megjithatë tha se nëse nuk konstituohet Kuvendi, partia e saj është e hapur edhe për mbajtjen e zgjedhje të reja.
Ajo tha se asnjë veprim tjetër nuk e kanë bërë sa i përket dorëheqjeve nga postet ekzekutive, duke përsëritur qëndrimin se dorëheqjet janë dorëzuar më herët te kryeministri.
““Deputetët e kanë obligim të votojnë për verifikimin e mandateve të tyre. Ramë dakord se e vetmja mënyrë për të dalë nga kjo situatë është të votojmë unanimisht”, ka thënë Haxhiu.”“Avni Dehari me qëllim konsensusi ndërmjet partive politike na ka ftuar sot për takim konsultativ prej 11:30. Kemi diskutuar se cilat janë mënyra më e mire për daljen nga bllokada e shkaktuar nga opozita. Kemi përmendur disa spektre, vendimi i kuvendit për mosverifikimin e mandateve të deputetëve është vendim I paprecident dhe në rrethana normale, ata që refuzojnë mandatin e tyre, që kanë kundërshtuar mandatin e tyre të zëvendësohen me deputetë të tjerë. Janë përmendur edhe zgjedhjet e reja. Jemi të hapur për datën e zgjedhjeve”, deklaroi ajo.
Ndërsa, Mimoza Kusari-Lila ka shpjeguar se si do të shkojë seanca. Pritet që fillimisht të votohet për t’i dhënë autorizim të njëjtit Komision ta bëjë edhe një raport për verifikim të mandateve.