Ministria e Industrisë, Ndërmarrësisë dhe Tregtisë(MINT), i ka caktuar çmimet tavan për shitjen e derivateve, për të enjten e 30 qershorit.
Çmimi maksimal i lejuar i naftës është 1.86 euro për litër, çmimi maksimal për produktin Benzinë është 1.75 euro për litër, ndërsa çmimi maksimal për Gaz është 0.78 centë për litër.
Krahasuar me të mërkurën e 29 qershorit, çmimi i benzinës është rritur për një cent.
Këto çmime vlejnë nga ora 10:00 e së enjtes dhe janë valide 24 orë.
Ministria pritet të caktojë çdo ditë çmimet tavan për shitjen e derivateve, bazuar në një vendim të mëhershëm të Qeverisë, që u kritikua nga naftëtarët.
Sipas vendimit, naftëtarët lejohen të fitojnë 12 centë për litër në shitjet me pakicë dhe 2 centë për litër në shitjet me shumicë.
