Një 65-vjeçar ka humbur jetën të dielën në një aksident trafiku në fshatin Mirosalë të Ferizajt.
Sipas Policisë, një veturë e tipit Golf me targa vendore ka dalë nga rruga dhe ka goditur një shtyllë elektrike.
Brenda veturës është gjetur një person, i cili fillimisht nuk kishte shenja të qarta jete.
Në vendin e ngjarjes kanë dalë njësitë emergjente, zjarrfikësit dhe Njësia e Komunikacionit Rrugor. Për shkak të rrëzimit të telave të energjisë në tokë, është njoftuar edhe kompania KEDS.
Rreth orës 12:37, mjeku kujdestar nga emergjenca e Ferizajt ka konstatuar vdekjen e viktimës.
Bëhet fjalë për S. B., rreth 65 vjeç.
Policia ka bërë të ditur se për rastin është njoftuar edhe prokurori i shtetit dhe se janë duke u ndërmarrë të gjitha veprimet hetimore.