Presidentja e Republikës së Kosovës, Vjosa Osmani, ka pritur në takim ambasadorin e Shtetit të Katarit për Kosovën, Jabor Ali Hussein Al Hawashela Al Dosari, me të cilin ka diskutuar për avancimin e marrëdhënieve dypalëshe dhe fuqizimin e bashkëpunimit në fusha të ndryshme.
Gjatë takimit, u rikonfirmua partneriteti i shkëlqyer mes Kosovës dhe Katarit, ndërsa u theksua gatishmëria e ndërsjellë për thellimin e mëtejmë të lidhjeve dypalëshe.
Në fokus të veçantë ishte falënderimi i Presidentes Osmani për mbështetjen konkrete të ofruar nga Katari për sigurimin e protezave për invalidët e luftës, një projekt që po realizohet falë angazhimit të saj dhe përkrahjes së institucioneve partnere në Katar.
Presidentja e cilësoi këtë ndihmë si një “shembull kuptimplotë të solidaritetit dhe humanizmit që forcon lidhjet midis dy popujve”.
Të dy palët shprehën vullnetin për të vazhduar bashkëpunimin dhe për të identifikuar mundësi të reja që do të sjellin përfitime konkrete për qytetarët e të dy vendeve.