Policia e Kosovës ka njoftuar për arrestimin e një personi të kërkuar me urdhëresë gjykate për veprën penale “Vrasje e rëndë në tentativë”.
I arrestuari, K.D., 35 vjeç, shtetas i Republikës së Kosovës, dyshohet gjithashtu për veprën penale “Mbajtje në pronësi, kontroll ose posedim i paautorizuar i armëve”.
Pas arrestimit, në koordinim me prokurorin e rastit, atij i është caktuar masa e ndalimit për 48 orë.
“Arrestohet një person i kërkuar me urdhëresë gjykate, i dyshuar për vrasje të rëndë në tentativë
Prishtinë, 15 Gusht 2025 – Drejtoria e Policisë së Kryeqytetit po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale.
Në kontekstin e kësaj në një operacion të befasishëm që ndërmorën njësitet e STP Veriut në Prishtinë, arritën të arrestojnë personin e kërkuar;
K.D, mashkull, 35 vjeç, shtetas i Republikës së Kosovës, i kërkuar me urdhëresë gjykate për veprat penale “Vrasje e rëndë në tentativë” dhe “Mbajtje në pronësi, kontroll ose posedim i paautorizuar i armëve”.
I njëjti pas arrestimit nga ana e policisë, në koordinim me prokurorin është dërguar në mbajtje për 48 orë”, thuhet në njoftim.