Për shkak të zjarrit të madh pranë fshatit Jazhincë, është mbyllur edhe kufiri Kosovë–Maqedoni e Veriut në pikëkalimin kufitar të Glloboçicës.
Sipas njoftimit të Qendrës Kombëtare të Menaxhimit Kufitar, rreth orës 15:40 pala maqedonase ka informuar se, për shkak të afërsisë së flakëve me rrugën dhe rrezikut nga përhapja e zjarrit, me urdhër të Ministrisë së Punëve të Brendshme dhe Shtabit të Krizave të Maqedonisë së Veriut, është vendosur mbyllja e këtij kalimi kufitar.
Autoritetet u bëjnë thirrje udhëtarëve që të përdorin pika kufitare alternative deri në normalizimin e situatës.
Për shkak të një zjarri të madh, është ndërprerë trafiku në rrugën Tetovë–Jazhincë