Një person është arrestuar në Mitrovicë pasi dyshohet se ka shkaktuar zjarr pasi hodhi një cigare të ndezur.
Siç thuhet në raportin 24-orësh të Policisë së Kosovës, i njëjti është dërguar në mbajtje.
“Fsh. Tuneli i Parë, Mitrovicë jug 16.08.2025-12:00. Është arrestuar i dyshuari mashkull kosovar, pasi që i njëjti duke hedhur një cigare të ndezur kishte shkaktuar zjarr. Njësitet e zjarrfikësve kanë dalë në vendin e ngjarjes. Me vendim të prokurorit i dyshuari pas intervistimit dërgohet në mbajtje.”, thuhet në raport.
Rasti është cilësuar si “shkaktim i rrezikut të përgjithshëm”.