Grupi i hakerëve “Lib-Duhtegan” njoftoi se kreu me sukses një sulm ndaj sektorit detar iranian, duke ndërprerë komunikimin me më shumë se 60 anije cisternash dhe mallrash iraniane.
Sulmi konsiderohet si një nga sulmet më të mëdha kibernetike që synon industrinë detare të Iranit, raportoi Al Arabiya.
Grupi konfirmoi se u sulmua infrastruktura e Kompanisë Kombëtare Iraniane të Tankerëve dhe linjat detare të Republikës Islamike të Iranit, duke përfshirë 39 tankerë nafte dhe 25 anije mallrash.
Sulmuesit arritën të depërtonin në sistemin e kompanisë së telekomunikacionit të Iranit, Fanava, e cila ofron shërbime kyçe, duke përfshirë komunikimet satelitore, ruajtjen e të dhënave dhe sistemet e pagesave.
Hakerët infiltruan sistemet operative që drejtojnë terminalet satelitore në anije, të bazuara në sistemet operative Linux , dhe arritën të çaktivizojnë softuerin qendror “Falcon”, i cili menaxhon komunikimet detare të Iranit.