Kandidati i Partisë Demokratike të Kosovës (PDK) për kryetar të Komunës së Lipjanit, Shukri Buja, ka zhvilluar sot një vizitë në disa biznese të vogla në qytetin e Lipjanit, duke i cilësuar ato si shtyllë të zhvillimit ekonomik dhe punësimit në komunë.
Buja theksoi se bizneset e vogla nuk duhet parë vetëm si ndërmarrje, por si garanci e zhvillimit të qëndrueshëm, mirëqenies së qytetarëve dhe rritjes së punësimit.
“Sot vizituam bizneset e vogla në qytetin e Lipjanit, motorin e vërtetë të ekonomisë sonë dhe punëdhënësit më të mëdhenj të qytetarëve tanë.
Për ne, bizneset e vogla nuk janë vetëm ndërmarrje, por garanci e zhvillimit, punësimit dhe mirëqenies së Lipjanit. Ato do të jenë gjithmonë në fokusin tonë të përkrahjes, sepse përmes tyre ndërtojmë një ekonomi të fortë dhe të qëndrueshme.
Vizitën e përmbyllëm me një drekë tradicionale te “Daja”, në sheshin Adem Jashari”, ka shkruar Buja në Facebook.