Mbështetësit shqiptar të protestës në Hagë kanë filluar të mblidhen para Gjykatës Speciale, atje ku në Dhomat e Specializuara po gjykohen katër ish-luftëtarë të UÇK-së.
Me thirrjet:“President ti ku je, krejt Kosovën këtu e ke”, ata po fillojnë të bëhen gati për protestën e cila zyrtarisht, nis nga ora 14:00.
Kjo e fundit po organizohet për të kundërshtuar Gjykatën Speciale.
Ish-presidenti i Kosovës, Hashim Thaçi, ish-kryetarët e Kuvendit, Kadri Veseli dhe Jakup Krasniqi, si dhe ish-deputeti Rexhep Selimi ka tash e rreth pesë vjet që po mbahen në paraburgim në Hagë.
Ata akuzohen për krime të pretenduara të luftës dhe krime kundër njerëzimit, akuza ndaj të cilave të gjithë janë deklaruar të pafajshëm.