Ish-ambasadori i Holandës në Kosovë, Robert Bosch, iu drejtua pjesëmarrësve në protestën e mbajtur të dielën në Hagë kundër padrejtësive ndaj ish-krerëve të UÇK-së.
Bosch kujtoi periudhën kur shërbeu në Kosovë, kohë kur u formua edhe Gjykata Speciale.
Ai tregoi për një bisedë që pati atëherë me ish-kryeministrin Hashim Thaçi.
“Më kujtohet mirë kur takova Thaçin dhe ai ishte pak i shqetësuar. Unë i thash se nëse do të jetë gjyq i drejtë ti do të jesh i lirë për shkak të mungesës së provave. Por unë nuk kisha të drejtë, sepse gjyqi nuk ishte aq serioz sa unë kisha pritur. Sepse siç e mbani mend raportin e Dick Martyt për trafikim të organeve, ai doli të ishte i rreme. Sepse vet gjyqtari kishte ardhur në përfundim se nuk kishte një gjë të tillë dhe ishte trillim i serbëve. Pra do të duhej të mbyllej gjykata sepse nuk kishte kuptim të vazhdonte më”, deklaroi Bosch para protestuesve.