James Rubin, ka sqaruar përsëri përshtypjet e tij për ish-presidentin Hashim Thaçi gjatë periudhës së Konferencës së Rambujesë.
Rubin tha se Thaçi ishte personi kyç me të cilin ai duhej të punonte, në mënyrë që Marrëveshja e Rambujesë të pranohej nga UÇK-ja.
“Ne mendonim se LDK-ja dhe Veton Surroi ishin dakord për këtë, dhe sekretarja e Shtetit, Madeleine Albright, më tha që duhej të punoja me Thaçin, sepse ai ishte personi i rëndësishëm, personi kryesor që e kishin caktuar shqiptarët e Kosovës”, tha Rubin.
Ai shtoi se Thaçi mund të konsiderohej si udhëheqës ose si person kontakti.
“Nëse doni e quajmë udhëheqës, nëse doni person të kontaktit”.
Rubin e përshkroi rolin e Thaçit në atë kohë si të një kryediplomati të Kosovës: “Pra, unë atë e kam parë si ministër të Jashtëm, që pasqyronte pikëpamjet e ushtrisë së vet dhe të qeverisë së vet, që nënshkruante, pra ashtu si një ministër i Punëve të Jashtme”, shtoi ai.