Kandidati i Lidhjes Demokratike të Kosovës (LDK) për kryetar të Lipjanit, Imri Ahmeti, ka njoftuar për hapjen zyrtare të stadiumit të ri në Dobrajë të Madhe.
Sipas tij, inaugurimi u shënua me një ndeshje simbolike mes veteranëve të KF Arbëria dhe veteranëve të KF Uniteti.
Ahmeti e cilësoi këtë investim si një arritje të rëndësishme për komunitetin lokal dhe për sportin në komunën e Lipjanit.
“Nga sot, Dobraja e Madhe ka stadiumin e saj të ri, një stadium modern, me standarde bashkëkohore, që plotëson të gjitha kushtet për klubin KF Arbëria. Urime Dobraja, urime KF Arbëria! Ky është vetëm fillimi i shumë sukseseve që na presin në këtë fushë të re!”, ka shkruar Ahmeti në postimin e tij në Facebook.