Kandidati i Partisë Demokratike të Kosovës (PDK) për kryetar të Lipjanit, Shukri Buja, ka falënderuar qytetarët e fshatrave Sllovi dhe Smallushë për përkrahjen e madhe në takimet e mbajtura me ta.
Në një postim në Facebook, Buja u zotua se, nëse fiton zgjedhjet, do të sjellë ndryshime konkrete për qytetarët e Lipjanit në të gjitha fushat e jetës.
“Faleminderit Sllovi! Faleminderit Smallushë! Faleminderit për përkrahjen madhështore sonte. Unë zotohem se do ta kthej ujin dhe do ta bëj jetën tuaj më të mirë, me projekte konkrete e të prekshme në arsim, shëndetësi, infrastrukturë, bujqësi, kulturë dhe në çdo fushë tjetër të jetës. Koha e tyre ka përfunduar! Është koha jonë! Fitorja është e jona!”, ka shkruar Buja.
Mesazhi i tij u prit si një premtim për ndryshim dhe si një shenjë vendosmërie për t’i dhënë Lipjanit një qeverisje të re.
