Kryetari i Komunës së Istogut dhe kandidat për një mandat të ri nga radhët e LDK-së, Ilir Ferati, ka vizituar mbrëmë familjen Kurtaj në Istog të Poshtëm së bashku me kandidatin lokal, Kushtrimin.
Ferati ka falënderuar banorët për mikpritjen dhe mbështetjen e vazhdueshme, duke theksuar se vizitat e tilla janë një mundësi për të dëgjuar kërkesat e qytetarëve dhe për t’i realizuar ato së bashku.
“Mbështetja e banorëve flet shumë për punët e kryera në këtë fshat, ndërsa ne, sërish këtu dhe plot entuziazëm, jemi të gatshëm të dëgjojmë kërkesat tuaja, të cilat do t’i realizojmë së bashku. Faleminderit për mikpritjen dhe mbështetjen e vazhdueshme”, ka shkruar ai në Facebook.