Analisti Bekim Kabashi në Debat Plus ka thënë se Prizreni është rasti më unik sa i përket ndikimit të komuniteteve në rezultatin final të përcaktimit të udhëheqjes së komunës.
“Kjo është dëshmuar edhe në të kaluarën, veç nëse kthehemi katër vite më parë dhe shohim rezultatin e balotazhit mes Shaqir Totajt, kryetarit aktual dhe atëherë kundërkandidatit të tij nga Lëvizja Vetëvendosje, shihet që fitorja e Totajt ka qenë për një mijë vota. Dhe kur e sheh këtë shifër, mund të konstatosh lirshëm që ndikimi i komuniteteve përcakton edhe fituesin”, ka thënë ai.
Kabashi më tej ka theksuar se pavarësisht se si janë të rreshtuara partitë e komuniteteve në nivel nacional, kjo nuk mund të aplikohet edhe në nivel lokal.
“Unë mendoj absolutisht, kjo nuk ka rol hiq,” ka deklaruar Kabashi.