Kryetari i Istogut, Ilir Ferati, ka theksuar se takimet me qytetarët janë dëshmi e qeverisjes së përbashkët, e ndryshimeve pozitive dhe e punëve që u shërbejnë të gjithëve.
Para qytetarëve, Ferati ka bërë të ditur se çdo maturant që përfundon shkollën e mesme dhe regjistrohet në fakultet, qoftë publik apo privat, do të përfitojë bursë prej 650 eurosh.
“Secili maturant që e përfundon maturën dhe që ka interesim për shkollim tutje, e që e regjistron një fakultet qoftë publik qoftë privat, në momentin që e bjen vërtetimin, ka me marrë bursën prej 650 euro”, ka deklaruar Ferati në një video të publikuar në Facebook.