Kryetari i Partisë Demokratike të Kosovës (PDK), Memli Krasniqi, ka shprehur mirënjohje për mbështetjen e madhe që qytetarët e Lipjanit i kanë dhënë kësaj partie në tubimet zgjedhore.
Krasniqi vlerësoi kandidatin për kryetar të Lipjanit, Shukri Bujën, si një njeri të fjalës, punës dhe përkushtimit.
“Faleminderit nga zemra për këtë mbështetje të madhe, e cila edhe sonte dëshmoi qartë: verdikti i qytetarëve të Lipjanit për #MaMirë është i pakontestueshëm.
E këtë rrugë e njeh më së miri në Lipjan vetëm kryetari i ardhshëm, Shukri Buja.
Njeri i fjalës, i punës dhe i përkushtimit. Kryetar që ka lënë gjurmë me vepra dhe dashuri për Lipjanin.
Sot, më shumë se kurrë, Lipjani ka nevojë të kthehet në shtëpi të vërtetë për të gjithë qytetarët, një vend me zhvillim, investime dhe dinjitet.
Më 12 tetor, për #MaMirë, votoni Shukri Bujën për Kryetar dhe PDK 191″, ka shkruar Krasniqi.