Ushtarët e misionit KFOR të udhëhequr nga NATO-ja kanë përfunduar instalimin e tabelave të reja përgjatë Vijës Kufitare Administrative (ABL) brenda zonës së përgjegjësisë së KFOR-it.
Në njoftimin zyrtar të KFOR-it bëhet e ditur se 114 tabela janë vendosur në zonat malore dhe pyjore teksa për qëllim kanë shënimin e qartë të zonës së operacioneve të KFOR-it dhe zvogëlimin e rrezikut të kalimeve aksidentale, transmeton Dukagjini.
“KFOR-i do të vazhdojë përpjekjet e tij për të promovuar një mjedis të sigurt për të gjithë njerëzit në Kosovë, duke përfshirë patrullimet e rregullta në veri të Kosovës dhe pranë Vijës Kufitare Administrative” thuhet në njoftimin e KFOR-it.