Një aksident i rëndë trafiku ka ndodhur të mërkurën në Prizren, ku janë përfshirë dy vetura.
Sipas raportit 24-orësh të Policisë së Kosovës, nga përplasja kanë pësuar lëndime trupore të rënda dy shoferët dhe një pasagjer.
Të lënduarit janë dërguar për trajtim mjekësor.
Policia ka bërë të ditur se një person është arrestuar si i dyshuar për shkaktimin e aksidentit.
Me urdhër të prokurorit, ai është dërguar në mbajtje.