Kandidati i Partisë Demokratike të Kosovës për kryetar të Prishtinës, Uran Ismaili, ka takuar këtë të premte përfaqësuesit e Shoqates së Taksistëve të Prishtinës.
Ismaili në këtë takim u zotua për rregullimin e vend-parkingjeve për taksitë, ndalimin e taksive ilegale dhe zhbllokimin e trafikut brenda 18 muajsh, njofton Dukagjini.
“Në takim me përfaqësues të shoqatës së taksistëve të Prishtinës u zotova për rregullimin e vend parkingjeve për taksi në qytet, ndalimin e taksive ilegale dhe nga qytetet e tjera, dhe zhbllokimin e trafikut brenda 18 muajsh me 60 semafora shtesë, dhe qendër moderne për menaxhimin e trafikut”, ka shkruar Ismaili në Facebook.