Autori dhe moderatori i emisionit “Debat Plus”, Ermal Panduri, ka zbuluar detaje të rëndësishme pas arrestimit të Fatmir Shehollit nga Policia e Kosovës në orët e para të së enjtes.
Sipas Pandurit, Sheholli është kapur në flagrancë nën dyshimin se ka zhvilluar aktivitet spiunazhi në dobi të Agjencisë së Inteligjencës së Serbisë (BIA).
“Ai eshtë arrestuar sot në flagrancë, ndërsa burimet e TV Dukagjinit brenda organeve të sigurisë bëjnë me dije se Fatmir Sheholli ka zhvilluar aktivitet spiunazhi të dobi të Agjencisë së Inteligjencës së Serbisë, e njohur si BIA. Aktiviteti i Shehollit kundër rendit kushtetues të Kosovës ka qenë i fokusuar ne dëm të ekonomisë ë vendit. Por nuk është ndalur me kaq. Aktiviteti i tij ka qenë i shtrirë edhe përtej territorit të Kosovës dhe ne dëm të partnerëve strategjik të Kosovës. Në momentin e arrestimit Sheholli i janë gjetur një sasi prej 3500 eurove me veti”, ka thënë Panduri.