Lista Serbe vazhdon të mos arrijë të sigurojë votat e nevojshme për postin e nënkryetarit të Kuvendit të Kosovës.
Pas tentimeve të pasuksesshme, edhe dy kandidatët e fundit të propozuar nga kjo parti, Branisllav Nikoliq dhe Stefan Kovaçeviq, kanë dështuar të marrin mbështetjen e nevojshme.
Branisllav Nikoliq, i propozuar i gjashti me radhë, mori vetëm nëntë votat e deputetëve të partisë së tij. E njëjtë ndodhi edhe me Stefan Kovaçeviqin, kandidatin e shtatë, i cili në tri raunde votimi nuk arriti të sigurojë më shumë se nëntë vota, të gjitha nga deputetët e Listës Serbe.