Në kuadër të ngritjes së kapaciteteve profesionale dhe taktike të pjesëmarrësve të Forcës së Sigurisë së Kosovës në fushën e operacioneve të xhenios luftarake është realizuar trajnimi i Avancuar për ‘Xhenier Luftarak’.
Ky trajnim siç thotë FSK-ja ka për qëllim aftësimin dhe ngritjen e nivelit të njohurive për kryerjen operacioneve xheniere që për mision kanë lëvizshmërinë, kundër lëvizshmërinë dhe mbijetesën, njofton Dukagjini.
Gjatë trajnimit pjesëmarrësit u trajnuan për tema si fortifikimet fushore, fortifikimet në zona urbane, ndërtimi i pengesave, qarja e pengesave, kalimi nëpër zonat e minuara dhe kalimi i ujërave.