Policia e Kosovës në bashkëpunimi me Prokurorin e Shtetit kanë realizuar një aksion në Podujevë, ku përfunduan të arrestuar shtatë persona.
Aksioni u realizua në fshatin Shtedime ku dyshohej për veprimtari të paligjshme me substanca narkotike, njofton Dukagjini.
Policia ka bërë të ditur se arrestimi u krye në një shtëpi, të gjithë shtetas të Shqipërisë, në mesin e tyre pesë gra dhe dy burra.
Po ashtu në vendngjarje përveç një sasie të konsiderueshme të substancave narkotike, është gjetur edhe aparaturë e përshtatur për tharjen e bimëve narkotike.
“Në asistim të njësisë së hetimeve kanë marrë pjesë edhe njësitë intervenuese, ndërkohë që pas arrestimit të personave të dyshuar në vendngjarje janë ftuar edhe zyrtarët nga njësiti antidrogë, në koordinim me të cilët do të ndërmerren veprimet e mëtejme”, thuhet në njoftim.