Tokio – Sanae Takaichi është zgjedhur të martën kryeministre e Japonisë, duke hyrë në histori si gruaja e parë që merr këtë post në vend.
Konservatorja 64-vjeçare, e njohur si “Zonja e Hekurt” për shkak të admirimit të saj ndaj ish-kryeministres britanike Margaret Thatcher, mori besimin e parlamentit pas premtimeve se do të përballet me sfidat ekonomike të Japonisë.
Ky ishte tentimi i tretë i Takaichit për të udhëhequr vendin, ndërsa ajo bëhet kryeministrja e katërt brenda pesë vjetëve – periudhë e shënuar nga skandalet që kanë goditur partinë në pushtet, LDP.
Takaichi i përket krahut më konservator të partisë, dhe njihet për qëndrimet e saj të forta politike. Në të kaluarën, ish-presidenti amerikan Donald Trump e kishte cilësuar si “person shumë të respektuar dhe me mençuri të madhe”.
Sfida e saj e parë në krye të qeverisë do të jetë rimëkëmbja e ekonomisë së ngadaltë, menaxhimi i marrëdhënieve të ndërlikuara me Shtetet e Bashkuara dhe unifikimi i partisë së ndarë.