Kandidati i LDK-së për kryetar të Fushë-Kosovës, Besnik Osmani, ka njoftuar për marrëveshjen e arritur të bashkëpunimit me NISMËN për raundin e balotazhit.
“Vazhdojmë me NISMËN drejt fitores! Së bashku për qytetarët dhe të ardhmen e komunës sonë”, ka shkruar Osmani në Facebook, ku ka publikuar edhe një foto me kryetarin e Nismës në këtë komunë, Driton Ademi.
Nga ana tjetër, deri tani Ademi nuk ka dhënë një reagim publik lidhur me këtë marrëveshje.
Në zgjedhjet e 12 tetorit, Osmani u rendit i dyti me 7,840 vota (36.63%), ndërsa kundërshtari i tij në balotazh, kandidati i LVV-së, Valon Prebreza, ishte i pari me 9,669 vota (45.18%).