Policia e Kosovës ka njoftuar se gjatë 24 orëve të fundit po heton tri raste të vdekjeve të dyshimta.
Në Mitrovicën e Veriut, më 27 tetor rreth orës 15:30, një burrë është gjetur pa shenja jete në shtëpinë e tij. Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Në Malishevë, po të njëjtën ditë rreth orës 07:18, është gjetur i shtrirë në rrugë një mashkull kosovar, i cili pas dërgimit në QKMF dyshohet se ka ndërruar jetë.
Edhe në këtë rast, me vendim të prokurorit, trupi është dërguar në IML për ekzaminim.
Ndërsa në Gjakovë, më 27 tetor rreth orës 22:27, një grua kosovare ka humbur jetën pasi kishte rënë nga një lartësi.
Ajo u dërgua në emergjencë me lëndime trupore, por mjeku kujdestar konstatoi vdekjen e saj. Trupi i pajetë është dërguar në IML për obduksion.