Kryeministri në detyrë, Albin Kurti, raportohet se ka shkarkuar nga detyra zëvendësministrin Elldin Ugllari dhe këshilltarin politik Enes Sulejmanoviç.
Ky vendim po shihet si një formë hakmarrjeje ndaj deputetes së komunitetit boshnjak, Duda Balje, e cila nuk e votoi qeverinë e propozuar të dielën, më 26 tetor.
Për këtë, vetë Balje ka reaguar shkurt përmes një postimi në Facebook, duke shkruar se “hakmarrja nuk ka nisur, veç ka vazhduar”, pa dhënë detaje të tjera.
Vlen të theksohet se deputetja Duda Balje nuk ishte e pranishme në seancën e Kuvendit ku u votua për formimin e qeverisë së re.
Vendimet për shkarkimin e zëvendësministrit Elldin Ugllari dhe këshilltarit politik Enes Sulejmanoviç janë publikuar nga portali Indeksonline.
