Kreu i Aleancës për Ardhmërinë e Kosovës (AAK), Ramush Haradinaj, ka vlerësuar njohjen e pavarësisë së Kosovës nga Siria si një zhvillim të rëndësishëm dhe të nevojshëm për vendin.
Kjo njohje e fundit e shton numrin e shteteve që e pranojnë si shtet Kosovën në 120.
Haradinaj, gjatë Debat Plus-it në TV Dukagjini, ka thënë se njohjet ndërkombëtare janë veçanërisht të rëndësishme pasi ka pasur një stagnim të këtij procesi.
“Janë disa zhvillime që për ne janë shumë të nevojshme. Një nga këto është marrja e njohjeve. Pasi ka shkuar kohë e gjatë nga shpallja e pavarësie dhe rezultateve të para dhe pastaj ka pas një stagnim. Ka qenë një ngjarje shumë e rëndësishme. Siria ka rëndësi shumë, për shkak e shumë palë kanë interesa në Siri. Ka interesim të madh në Siri. Edhe është një zë që dëgjohet sot, që dëgjohet të miqtë e armiqtë tanë. Iu kam gëzuar shumë. E falënderoj jo vetëm presidente Osmani, por këndo që ka punuar në këtë rast…
Presidenti Erdogan prej shpalljes së pavarësisë ka punuar shumë për njohje për Kosovën, vazhdon ende të punoj. Nuk është vetëm ai, janë edhe aleatët tjerë”, ka thënë Haradinaj.