Policia e Kosovës ka nisur hetimet pas raportimit për vdekjen e një shtetasi të huaj në Prishtinë, e cila është regjistruar më 08.11.2025, rreth orës 09:20.
Sipas raportit 24 orësh të policisë, viktima është gjetur pa shenja jete në banesën e tij. Në vendin e ngjarjes kanë dalë njësitë relevante të policisë dhe ekipi mjekësor, të cilët kanë konstatuar vdekjen e tij.
Me vendim të prokurorit të shtetit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkaqeve të vdekjes.
Hetimet lidhur me rastin janë duke vazhduar nën mbikëqyrjen e prokurorit kompetent.