Ish-emisari amerikan për Kosovën, Christopher Hill, ka treguar gjatë dëshmisë së tij në Hagë për takimin mes presidentit të Kosovës, Ibrahim Rugova, dhe presidentit të Serbisë, Sllobodan Millosheviq, i cili u zhvillua në Beograd në vitin 1998.
Hill tha se Shtetet e Bashkuara e kishin nxitur Rugovën të merrte pjesë në këtë takim, por ai personalisht ishte skeptik për efektivitetin e tij.
“Kur ambasadori (Richard) Holbrooke shkoi në Prishtinë, unë isha me të, dhe u ulëm me presidentin Rugova. Edhe pse nuk e kishim diskutuar këtë paraprakisht, ambasadori Holbrooke tha se ishte ide e mirë nëse Rugova do ta takonte Millosheviqin në Beograd, sepse mendonte se ky takim do të zgjidhte shumë probleme…
“Mendoj se e dëmtoi Rugovën, sepse njerëzit në Kosovë nuk mund t’i ndihmonte. Unë kisha rezerva se takimi mund të ndihmonte. Ai ishte shumë i shqetësuar, por nuk donte që në takimin e parë me Holbrooke të gjendej në një situatë ku refuzonte”, ka thënë Hill.