Ish-ambasadori i Kosovës Avni Arifi, ka përgëzuar presidenten e vendit, Vjosa Osmani, për angazhimin për njohjen nga Bahamas.
Arifi, në “FIVE” në Dukagjin, u shpreh se Osmani është e vetmja që po angazhohet për njohje të Kosovës nga shtete tjera, njofton Dukagjini.
“Nuk e di si kanë qenë rrethanat por është një punë shumë e mirë. E përgëzoj për angazhimin presidenten Osmani si duket vetëm Osmani është duke punuar në procesin e njohjeve pasi kjo është njohja e katërt që ka ardhur dhe jam i sigurt se është realizuar me ndihmën e miqve. Por, çdo shtet përdorë miq dhe nëse ka shumë dobësi tek ne sot është sepse nuk po përdorën miqtë sa duhen”, u shpreh Arifi.