Kryetari i Aleancës për Ardhmërinë e Kosovës (AAK), njëherit kandidat për kryeministër i kësaj partie, Ramush Haradinaj, në Debat Plus ka thënë se sonte jemi në fund të një fushate që ka qenë intensive.
Ai ka theksuar gjithashtu se është shumë i emocionuar për pritjen, respektin dhe zemrën e madhe që qytetarët e Kosovës kanë treguar.
“Jam i emocionuar me pritjen, me respektin. Gjithmonë e kam ditur që në Kosovë njerëzit e kanë zemrën e madhe, e kanë bujarinë dhe e kanë dashurinë për vendin. Gjatë kësaj fushate, ajo që ka ndodhur ndryshe edhe nga shumë herë të tjera është emocioni dhe një komunikim, po e quaj, tamam i afërt. I falënderoj të gjithë anembanë Kosovës, në çdo qytet me këdo që jam takuar. I falënderoj për besimin dhe i falënderoj edhe shumë të tjerë që as nuk kam arritur t’i takoj”, ka thënë Haradinaj.