Presidenti ukrainas, Volodymyr Zelensky, tha se takimi me presidentin amerikan Donald Trump në Mar-a-Lago ka prodhuar “rezultate të rëndësishme”.
Në një postim në Telegram, ai ripërsëriti falënderimet për Trumpin dhe bëri të ditur përparimet e arritura gjatë konferencës së përbashkët për media.
“Patëm një diskutim të thellë mbi të gjitha çështjet dhe vlerësojmë shumë përparimin e bërë nga ekipet ukrainase dhe amerikane gjatë javëve të fundit”, shkroi Zelenskyy.
Ai tha se u diskutuan të gjitha aspektet e kuadrit për paqen dhe u arritën rezultate të rëndësishme, duke përfshirë përcaktimin e hapave të mëtejshëm.
Zelenskyy theksoi se garancitë e sigurisë mbeten çelësi për arritjen e një paqeje të qëndrueshme, dhe ekipet do të vazhdojnë të punojnë për të gjitha detajet.
Ai shtoi se ekipet e Ukrainës dhe SHBA-së do të takohen sërish javën e ardhshme për të finalizuar të gjitha çështjet e diskutuar, ndërsa Trump ka pranuar gjithashtu të presë liderë ukrainas dhe evropianë në Uashington gjatë janarit.