Presidentja e vendit, Vjosa Osmani në Ditën e Veteranit ka thënë se veteranët e Ushtrisë Çlirimtare të Kosovës janë dëshmia se liria nuk dhurohet por fitohet me guxim dhe sakrificë.
Osmani, mes tjerash, thotë se në Ditën e Veteranëve të UÇK-së, përulemi me respekt të thellë para burrave dhe grave që u ngritën kur liria ishte vetëm një ëndërr.
“Ata u bënë mburojë e popullit, zë i atdheut dhe shpresë në kohën më të errët. Veteranët e UÇK-së janë dëshmia se liria nuk dhurohet, por fitohet me guxim dhe sakrificë. Rrugëtimi i tyre drejt lirisë u kurorëzua me dinjitet dhe fitore. Lavdi e përjetshme dëshmorëve të kombit. Nderim i përhershëm veteranëve të UÇK-së!”, thuhet në njoftimin e Presidencës.