Policia e Kosovës ka arrestuar sot në Prizren një person të kërkuar, i cili ishte dënuar më parë me 2 vite burg për veprën penale të narkotikëve.
Sipas njoftimit të Policisë, njësitë operative të Stacionit Policor Prizren kanë lokalizuar dhe arrestuar të dyshuarin E.Q., pas veprimeve hetimore dhe planit taktiko-operativ.
I njëjti ishte në kërkim pasi kishte marrë vendim të plotfuqishëm nga Gjykata Themelore e Prizrenit për “blerje, posedim, shpërndarje dhe shitje të paautorizuar të narkotikëve, substancave psikotrope dhe analoge” sipas nenit 267, paragrafi 2 të KPRK-së.
Pas arrestimit, E.Q. është sjellë fillimisht në stacionin policor dhe më pas është dërguar në burg për vuajtjen e dënimit.