Ambasadori amerikan në Poloni, Tom Rose, ka bërë të ditur se ka ndërprerë menjëherë çdo kontakt dhe komunikim me udhëheqësin e dhomës së ulët të Parlamentit polak, Wlodzimierz Czarzasty, pas deklaratave të këtij të fundit kundër kandidaturës së Presidentit të SHBA-së, Donald Trump, për Çmimin Nobel për Paqen.
Rose vlerësoi se deklarimet e Czarzasty-t janë “potencialisht të dëmshme për qeverinë polake” dhe theksoi se respekti ndaj kreut të shtetit amerikan dhe normave diplomatike është thelbësor në marrëdhëniet mes aleatëve.
Përplasja reflekton tensionet ekzistuese në raportet Poloni–SHBA, veçanërisht brenda spektrit politik polak. Czarzasty, lider i një force të majtë, ka argumentuar publikisht se veprimet politike të Trump nuk kontribuojnë në paqe dhe, sipas tij, dëmtojnë rendin juridik ndërkombëtar.
Në anën tjetër, kryeministri polak Donald Tusk ka mbështetur qëndrimin e SHBA-së, duke bërë thirrje për respekt të ndërsjellë mes aleatëve, por pa ndërhyrë për të ndryshuar qëndrimin e Kryetarit të Sejmit. Sipas analistëve diplomatikë, ky zhvillim nënvizon sfidën e Polonisë për të ruajtur ekuilibrin mes marrëdhënieve me Bashkimin Evropian dhe Shtetet e Bashkuara, në një moment delikat për sigurinë rajonale dhe proceset që lidhen me paqen në Ukrainë.
Effective immediately, we will have no further dealings, contacts, or communications with Marshal of the Sejm Czarzasty, whose outrageous and unprovoked insults directed against President Trump @POTUS has made himself a serious impediment to our excellent relations with Prime…
— Ambasador Tom Rose (@USAmbPoland) February 5, 2026