Pas konsultimit me shumicën e partive parlamentare, presidentja Vjosa Osmani ka vendosur që seanca konstituive e Kuvendit të mbahet më 11 shkurt, pra të martën, nga ora 12:00 (ora e nisjes së seancës ka ndryshuar për shkak të zhvllimeve në Hagë, kështu seanca pritet të nisë nga ora 17:00).
Seanca konstituive nis më vonë, ora ndryshon për shkak të Hagës
Sipas Rregullores së Kuvendit, në seancën konstituive, janë katër pika:
- Formimi i Komisionit të Përkohshëm për Verifikimin e Kuorumit dhe të Mandateve; 2. Betimi i deputetëve; Zgjedhja e Kryetarit, dhe pika për zgjedhjen e pesë nënkryetarëve të Kuvendit.
Kryetari i partisë e cila e ka në dorë fatin e seancës së nesërme meqenëse i ka 57 deputetë, nuk tregoi se kë do të e propozojnë për kryetar Kuvendi, dhe as nëse do të e votojnë nënkryetarin serb i cili sipas aktgjykimit të Kushtetuese i takon partisë më të madhe, në këtë rast, Listës Serbe.
“Nesër do t’i përgjigjemi obligimit për seancë konstituive, dhe besoj që do të shkojë mbarë e mirë gjithçka”, ka thënë Albin Kurti,
Me më shumë informacione, por dhe optimist se nesër do të shkojë gjithçka mbarë e mirë u shpreh edhe numri dy në Lëvizjen Vetëvendosje, Glauk Konjufca.
Ish-kryetari i Kuvendit, tash deputet i rizgjedhur, bëri me dije se nesër nuk do ta bllokojnë konstituimin e Kuvendit, për njërin nënkryetar i cili i takon komuniteti serb.
“Nesër do të bëhet Kuvendi, dhe nesër shumë shpresoj se do të bëhet Qeveria, për të tjerat flasim pastaj… ne kurrë nuk i kemi refuzu aktgjykimet e Gjykatës Kushtetuese, deri tash vazhdimisht LVV, ato natyrish kanë qenë beteja politike, por kur i ka dhënë vulë Gjykata Kushtetuese siç ishte p.sh. rasti në vitin 2024, kur tha që ju nuk mundeni me e bë shumicën, shumicën mundet me e bo vetëm fituesi i zgjedhjeve ne u tërhoqëm dhe vazhduam sipas opinionit të Gjykatës Kushtetuese”, ka thënë Konjufca.
Partia fituese e zgjedhjeve, Lëvizja Vetëvendosje, sapo të konstituohet Kuvendi mund ta thërras seancën e re për propozimin dhe votimin për kabinetin qeveritar.