Kreu i Lidhjes Demokratike të Kosovës, Lumir Abdixhiku, ka deklaruar sot se deputetët e partisë së tij kanë dhënë betimin në Kuvendin e Republikës së Kosovës, duke marrë përgjegjësinë për përfaqësimin e qytetarëve dhe respektimin e Kushtetutës.
“Me përgjegjësi të plotë dhe vetëdije të lartë për besimin e marrë, përfaqësuesit tanë, e nisin mandatin të përkushtuar ndaj ligjshmërisë, demokracisë dhe interesit publik.
LDK do të jetë zë i arsyes, i stabilitetit institucional dhe i shtetit funksional, në shërbim të Kosovës dhe qytetarëve të saj, në Kuvendin e Kosovës dhe jashta tij”, ka shkruar Abdixhiku.